طريقه دهان الدوكو | اتعلم طريقة دهان الدوكو 2020

طريقه دهان الدوكو | اتعلم طريقة دهان الدوكو 2020

الصنفره/

مهم جدا مرحله الصنفره لازم اي فني يهتم بيها كويس نقوم بإزاله الاماكن الخشنه وإزاله الذيادات بالمبرد او عن طريق الصنفره. ويتم 100ونقوم بقشط الغره حتي لاتظهر معنا في التشطيبات النهائيه تنظيف السطح جيدا من الاتربه 

التجبيس/

مكونات التجبيس
إسبداج /زنك/غيراءحمص مطحونه/مياه ساخنه لتسيح الغراء 
مقادير الخلط /نص كيلو اسبداج/كيلو زنك/ كيلو غيرا/6لتر مياه نقوم بالخلط جيدا ونبدأ التجبيس عن طريق إسطبين شاش او فرشاه 3بوصه

مكونات المعجون/

نفس خامات التجبيس ويتم تقليل الميااه حتي تكون المعجونه متماسكه وسلسه ربع كيلو إسبداج /نص كيلو زنك /ربع كيلو غيره حمص مطحونه يتم تسيح الغره مع قليل من الماء الساخن ويتم عمل المعجونه

طريقه المعجون/
طبعا بنجهز المعجونه وبتكونه سلسه معايه زي ماقلنا مبتكونش تقيله ولا سميكه بتكون سلسه علشان تفرد معايه ومخليش المعجونه تنشف مني أغيرها ديما بحيث لما اسحب المعجونه ماتفرولش او تفري مني طبعا سحب المعجون جمب بعضيه بيكون طلي سكنتين الشغل مابيتطلبش عدد سكاكين المعجون الشغل بيحكم علي نفسه محتاج ولا مش محتاج واحده او سكنتين لو الشغل محتاج التالته مفيش مشكله بعد ما اخلص سحب العريض أقفل بالمعجون جمب الحليات كويس لو في اماكن خست من المعجون برد عليها بعد ماتنشف وده مهم جدا علشان متقابلنيش مشاكل في التشطيب وبكده نكون انتهينا من المعجون

مرحله صنفرة المعجون/
يتم الصنفره بصنفره 150 لاتقل عنها ولاتذيد عن 180 ويتم الصنفره بالكوتشه او بالكف

مرحلة السيلر/
التنفيض الجيد ومسح الاسطح من الاتربه بعد كده مرحله السيلر بنحل السيلر بتنر طبعا بنخلي السيلر شربات مابيكونش تقيل والسيلر مهم جدا اول حاجه بنعملها بعد تضيف الشغل وبنستخدم إسطبين واحنا بندي سيلر

رش البوليستر/
بنفض شغلنا من تراب الصنفره بندي اسطبين سيلر قبل رش البوليستر وهنا هيكون معانه بوليستر أبيض مخصص لشغل الدوكو غير البوليستر الشفاف المخصص للأستر  بنحل البوليستر طبعا البوليستر بيتكون من معجل وبوليستر ومصلب التلاته مكملين بعض مينفعش حاجه تكون ناقصه منهم لو هتحل واحد كيلو بوليستر بنضيف عليه كل المعجل الكيلو معاه 20مصلب و20جرام نعجل بنضفهم في حاله إن إحنا هنرش كل الكيلو مثلا لو هنرش بستله وزنها 10كيلو بيكون معها 200جرام مصلب الكيلو و200جزام معجل بيضاف له تنر حامي مثلا الصاروخين او أسيتون بنضيف علي الكيلو من375جرام الي 400جرام وبكده نكون جهزين لرش البوليستر بعد رش البوليستر بنصفي تاني يوم

تصفية البوليستر/
 بصنفره متقلش عن 180وماتذدش عن 220قولت 180علشان مانجرحش البوليستر ويعمل معانا علامات صنفره 180وبعدديها 220 بشيك الشغل بصنفره 320قماش علشان اشيل بيها علامات الصنفره الناتجه عن التصفيه كل ماتذيد في رقم الصنفره شغلك مايكونش فيه علامات صنفره بعد كده بلقط من نفس المعجونه الي انا استخدمتها في الاول الاماكن الي محتاجه تلقيط وبعد كده بشيك المعجون بصنفره 320ورق الماني وبكون انتهيت من التصفيه والتشيك
مرحله البطانه/
البطانه هنا بتكون فيلر بعد رش الفلر والنشفان التام يتم تلقيط المعجون ويتم الصنفره بالمياه والصنفره لتسهيل عمليه الصنفره بستخدم صنفره رقم 600ويتم إزاله التجير الناتج عن الصنفره بقطعه قماش بعد النشفان ونطهر الفيلر ببنزين عشان لو في ظفارة ونشيل التجيره كويس

رش الدوكو فرن او دوكو عادي/ 
 - البدء في عملية رش الدوكو يتم بوجه اول يكون ثقيل نسبيا ثم وجه أخف منه ثم وجه أخف للحصول على نعومة جيدة للسطح المدهون.

 بعد رش الـ 3 أوجه وجفاف الوجه الأخير ستعمل صنفرة ناعمة جدا (1000) مع المياه.

لإعادة اللمعان مرة أخرى يتم استخدام مادة "الكمباوند" ثم "البولش" واللتان يتم دعك السطح بهما بالترتيب السابق.